Denboraldi bukaerako afaria

Kaixo lagunak!

Astelehenean haur eta gaztetxoekin merendola egin ondoren, ez ahaztu aurten HAURTZARO ATLETISMO TALDEKO denboraldi bukaerako afaria egingo dugula, haur, gaztetxo, guraso eta entrenatzaile guztiok elkarrekin.

EGUNA eta ORDUA: ekainak 12, ostirala, 20:00tan.

LEKUA: Girizia Elkartea.

MENUA:

Haurrak 5€:

Makarroiak, pizza eta izozkia.

Helduak 10€:

Zizka-mizka degustazioa, entsalada, saiheskia, postrea eta kafea. 

Animatu!!

Denboraldi bukaerako merendola

Benjamin, alebin, infantil, kadete, jubenil, junior... Ez ahaztu bihar denak gonbidatuta zaudetela denboraldi bukaerako merendolara! (Aldatzeko kamixeta eramatea komeni da...)

Ordua: 18:00tan Ikastolan!

Eta ahal baduzue, ostiraleko afarian zenbat izango zareten (atleta eta guraso) merendolan adierazi. 

Nerea eta Xabi, Euskadiko podiumean

Durangon jokatu zen atzo jubenil eta junior mailako Euskadiko Txapelketa. Eta denboraldia bukatzen ari den arren, inoiz baino indartsuago daude gure gazteak! Bi dominarekin bueltatu zire etxera Nerea eta Xabi.

Nereak altuera jauziko proba irabazi zuen jubenil mailan, bere marka onena lortuz: 1,55m. Euskadiko txapeldun! Zorionak Nerea!!

Eta Xabik hirugarren postua lortu zuen junior mailako 400 metroko proban, honek ere bere markarik onena lortuz: 51'74". Zorionak makina!

Emaitzak ikusteko klikatu HEMEN. 

Ane eta Xabi, biak bosgarren asteburuko txapelketetan

Zita bikoitza izan dugu asteburu honetan Anoetako miniestadioan. Larunbatean, infantil mailako Euskadiko Txapelketa, eta igandean, Gipuzkoako Txapelketa absolutua. 

Infantil mailako Euskadiko Txapelketan ANE ETXEBESTEk hartu zuen parte, Gipuzkoako selekzioarekin, eta 5. postua lortu zuen 1.000 metroko proban, hirugarren postutik segundu erdira. Bera baino zaharragoekin lehiatuz oso lasterketa polita egin ondoren, 3'18"56 izan zen bere denbora, inoizko onena. Aupa Ane!!

Sailkapenak HEMEN.

Eta gaur jokatu den Gipuzkoako Txapelketa absolutuan, XABI BELAUNZARAN gaztea izan da protagonista. Atzoko sagardo eguna ongi ospatu ondoren, 400 metro hesiekin egiteko gai izan da, eta nola gainera! 5. postua lortu du, 1'02"15 eginez. Artista!

Aipatzekoak dira ere gaur bertan (lehiaketaz kanpo) Alazne Garrido eta Julen Perezek burututako 300 metro hesidunetako lasterketak: Alaznek 50"15 eta Julenek 43''96.

Sailkapenak HEMEN.

ZORIONAK DENEI!!

Alebin neskak, Gipuzkoako txapeldunak!!

Atzo kadeteek langa oso goian jarri bazuten ere, alebin neskak ez dira gutxiago izan gaur goizean Tolosan burutu den taldekako Gipuzkoako Txapelketan. TALDEKAKO GIPUZKOAKO TXAPELDUNAK!! 

Hasiera-hasieratik primeran aritu dira gure sei neska ausartak: Enara, Olaia, Amaiur, Jani , Eitza eta Nagore. Eta taldekako garaipenaz aparte, erreleboetako proba ere Gipuzkoako erreleboetako txapelketa zenez, beste domina batekin itzuli gara etxera, zilarrezkoa. Zorionak denei, eta mila esker Ane Etxebesteri ere, entrenatzaile lanetan laguntzegatik.

Enara (pisua): 5,35 m.
Olaia (60mv): 13"60.
Amaiur (60m): 8"63.
Jani (1000m): 3'45"84.
Eitza (luzera): 3,56 m.
Nagore (altuera): 1,33 m.

Amaiur-Olaia-Nagore-Eitza (erreleboak): 37"48.

Emaitzak ikusteko, klikatu HEMEN.

Argazkiak ikusteko, klikatu HEMEN.
Bideoa ikusteko, klikatu HEMEN. 

Eta gaurkoa ospatzeko, nola ez, garaipenaren bideoa!

GORA HAURTZARO ATLETISMO TALDEA!!

Kadeteen Euskadiko Txapelketa, ikaragarria!

Ikaragarria izan zen atzo jokatutako kadete mailako Euskadiko Txapelketa. Ikaragarria lortutako emaitzengatik eta ikaragarria gure atletek erakutsitako laguntasun eta talde-lanarenatik. Hiru domina lortu zituzten guztira, baina atzokoan aipagarriena kadete mailako Espainiako Txapelketarako (uztailean Valladoliden jokatuko dena) bi minima lortu zituztela izan zen. Egun osoa bertan pasa ondoren (Donostiko bazkari eta guzti), hauek izan ziren goiz eta arratsaldean zehar lortutako emaitzak:

JULEN PEREZ:

1. postua 300 metrotan, 37"60. (Espainiako Txapelketarako minima).

3. postua luzera jauzian, 5,33m. 

4. postua 100 metrotan, 11"98. (Finalean 11"88 egin zuen, baina haize gehiegirekin).

ALAZNE GARRIDO:

3. postua 600 metrotan, 1'40"81. (Espainiako Txapelketarako minima).

4. postua 300 metrotan, 43"80. 

LUR GAZTELUMENDI:

7. postua jabalinan, 20,29m. 

MAIDER CASTAÑO:

7. postua altueran, 1,20m. 

MATTIN APAOLAZA:

13. postua 100 metrotan, 12"70.

LUR-MAIDER-INTZA-ALAZNE:
5. postua erreleboetan, 56"09. (Talde onena agian ez, baina jatorrena zalantzarik gabe!)

Emaitzak ikusteko, klikatu HEMEN. 

ZORIONAK DENEI! GORA GU TA GUTARRAK!!

Kadeteak Donostin eta alebinak Tolosan

Asteburu honetan zita bikoitza dauka Haurtzaro Atletismo Taldeak. Alde batetik kadeteak Donostian izango dira Kadete mailako Euskadiko Txapelketan, eta bestetik alebin neskak Tolosan, taldekako Gipuzkoako Txapelketan.

Hau izango alebinen igande goizeko ordutegia (9:00tan ikastolako aparkalekuan):                   

                                    

10:30                           Peso (2 Kg.)                                       ENARA

                              

10:45                           60 m vallas                                        OLAIA

                         

11:15                           60 m                                                   AMAIUR

11:30                           Altura                                                 NAGORE

Longitud                                           EITZA

                                    

11:45                           1.000 m                                              JANIRE

12:30                           4 x 60 (Cto Gipuzkoa)                     OLAIA-AMAIUR-NAGORE-EITZA 

ZORTE ON ALEBIN ETA KADETE GUZTIEI!!

Arrasatekoa, bukaera bikaina

Lau izan ziren atzo Arrasaten parte hartu zuten HAURTZARO ATLETISMO TALDEko atletak: Ane Etxebeste, Amaiur Errazkin, Xabat Olaiz eta Unax Jimenez. Baina gutxi izan arren, ikaragarrizko maila eta jarrera ona erakutsi zuten lau gaztetxoek. Eta lau dominarekin itzuli ziren etxera.

Ane Etxebestek lortu zuen lehenengoa, zilarrezkoa, 1000 metro obstakuluetan oso lasterketa ona egin ondoren (3'32", hasieratik tiraka arituta). Unax Jimenez lehenengo urteko alebinak sekulako txapelketa osatu zuen: 60 metroetan finalera sailkatu, pelotan urrezko domina lortu eta, guzti hori gutxi balitz, baita 1000 metroko proban parte hartu ere. Xabat Olaiz ere bikain ibili zen, pelotan finalera pasa eta 60 metrotan oso lasterketa ona eginez. Eta bukatzeko, aurretik lortutakoa hobetzea ezinezkoa izango zela uste bagenuen ere, Amaiur Errazkinek bi urre lortu zituen: 60 metrotako finala irabazita lehenengoa, eta 1000 metrotan bigarrena, hasieratik bakar-bakarrik aurrera joan eta 3'15" eginez. Azken proba honetan, aipatzekoa izan zen gure lagun Hiart Ibargurenek lortutako bigarren postua ere, marka pertsonala eginez eta oso jarrera ausarta erakutsiz. 

Zorionak denei berriz ere, txalotzekoa izan da hiru jardunaldietako jarrera. Gora gu ta gutarrak!!

Sailkapen guztiak ikusteko, klikatu HEMEN.
Argazkiak ikusteko, klikatu HEMEN.

Eta hirugarren jardunaldia, Arrasaten.

Igande honetan burutuko da  alebin eta infantil mailako Gipuzkoako txapelketako hirugarren eta azken jardunaldia, Arrasaten. Bertara joateko, 8:15tan gelditu gara ikastolako aparkalekuan.

Hau izango da igandeko ordutegia:

10:00	LONGITUD	INFANTIL	MUJERES	FINAL
10:00	ALTURA	ALEVIN	HOMBRES	FINAL
10:00	PESO	INFANTIL	HOMBRES	FINAL
10:00	PELOTA	ALEVIN	MUJERES	FINAL
10:00	1000 M OBST	INFANTIL	MIXTO	FINAL
10:10	60 M	ALEVIN	HOMBRES	SEMIFINAL
10:15	PÉRTIGA	INFANTIL	MIXTO	FINAL
10:30	60 M	ALEVIN	MUJERES	SEMIFINAL
11:00	80 M	INFANTIL	HOMBRES	SEMIFINAL
11:30	80 M	INFANTIL	MUJERES	SEMIFINAL
11:30	PESO	INFANTIL	MUJERES	FINAL
11:30	PELOTA	ALEVIN	HOMBRES	FINAL
11:30	LONGITUD	INFANTIL	HOMBRES	FINAL
11:30	ALTURA	ALEVIN	MUJERES	FINAL
12:00	500 M	INFANTIL	HOMBRES	FINAL
12:10	500 M	INFANTIL	MUJERES	FINAL
12:20	1000 M	ALEVIN	HOMBRES	FINAL
12:30	1000 M	ALEVIN	MUJERES	FINAL
12:40	60 M	ALEVIN	HOMBRES	FINAL
12:45	60 M	ALEVIN	MUJERES	FINAL
12:50	80 M	INFANTIL	HOMBRES	FINAL
12:55	80 M	INFANTIL	MUJERES	FINAL

Bigarren jardunaldia ere primeran joan zen

Eibarren jokatu zen atzo Gipuzkoako Txapelketako bigarren jardunaldia, alebin eta infantil mailatan. Xabi Belaunzaran eta Julen Perezen laguntzari esker, atzeratzen eta atzeratzen joan zen goiz amaiezinari aurre egin ahal izan genion, eta emaitza onekin gainera. 

Ane, Amaiur, Janire, Eitza, Nagore, Unax eta Xabat izan ziren atzo parte hartu zutenak. Amaiurrek urrezko domina lortu zuen 2.000 metrotan, lasterketa bikaina egin ondoren, gure lagun Hiart Ibargurenen aurretik. Anek ere domina lortu zuen, zilarrezkoa, 3.000 metrotan hasieratik bukaerara lehenengo postuetan lanean ibili ondoren. Eta gainontzekoak ere primeran ibili ziren: Unaxek laugarren postua lortu zuen 2.000 metrotan, bere adineko bigarren. Janirek zortzigarren postua 2.000 metrotan, hau ere bere adineko bigarren. Xabatek hamaikagarren postua lortu zuen peso jaurtiketan, bere adineko hirugarren. Eitzak hamargarren postua lortu zuen luzera jauzian, bere adineko laugarren. Eta Nagorek, goiz osoa lagunak animatzen pasa ondoren, oso lasterketa ona egin zuen 150 metrotan, bere serieko bigarren postua lortuz. 

Emaitza guztiak ikusteko, klikatu HEMEN.
Argazkiak ikusteko, klikatu HEMEN. 

ZORIONAK DENEI eta datorren asteburuan Arrasatera!