30. urteurreneko argazki guztiak HEMEN.
2014an ospatu genuen 30. urteurrena, urte guzti horietan taldeko partaide izandako guztien artean gutun hau banatu ondoren:
Kaixo, lagun!
Ez genuen 10. urteurrena ospatu, ezta 20. urteurrena ere. Baina aurten ez
dugu denak elkartzeko aukera pasatzen utzi nahi. Batzuk burusoilduta egongo
zarete dagoeneko, beste batzuk, sekulako triparekin; edo baten bat, agian,
korrika ibiliko da oraindik. Baina badugu denok lotzen gaituen zerbait: Haurtzaro Atletismo Taldeko kide izan
izana.
30 urte pasa dira 1984. urtean lehenengo taldea
osatu zenetik. 30 urte eta milaka entrenamendu, proba edo lasterketa.
Oroitzapen horiek guztiak elkarbanatu eta egun berezi bat igaro nahian,
hitzordua jarri dugu:
EKAINAK 21, LARUNBATA, HAURTZARO IKASTOLAKO FRONTOIAN.
Goizeko 11:00etan emango diogu
hasiera urteurrenari, haur, gazte nahiz helduen taldekako proba desberdinekin. Hortxe
ikusi ahal izango dugu nola mantentzen garen! Ikastolan bertan dutxatu
ondoren, 14:00etan izango da ekintza nagusia: BAZKARIA.
Bazkarirako txartelak lortzeko hiru aukera proposatzen dizkizugu:
-
Haurtzaro Ikastolako idazkaritzan eskatuta.
-
Gure korreora idatzita (haurtzaroatletismotaldea@gmail.com).
-
Guregana hurbilduta (astelehenetik ostegunera 19:00etatik 20:00etara
ikastolan).
Prezioa: haur-ikasle-langabetuek 5 euro
/ helduek 10 euro.
Denengana iristea zaila izango zaigunez, zure inguruko kide ohiei ere
bazkariaren berri ematea eskertuko dizugu. Denon artean 30 urte hauetan
ibilitako guztiak gonbidatzea lortuko dugu!
Eskerrik asko aldez aurretik eta bertan ikusiko garelakoan,
GORA HAURTZARO ATLETISMO
TALDEA!
iruzkinik ez:
Argitaratu iruzkina