Larunbateko PLP probak eta Oiartzungo Herri Lasterketa

Asteburu entretenigarria izan dugu atleta oiartzuarrok.

Lehenik, sei atletek parte hartu zuten larunbatean belodromoan izan ziren PLPko probatan. Horietako hiruk, gainera, lehenengo aldia zuten: Oier, Joan, eta Katixa.

Gazteenen debutaz gain, aipagarriak izan ziren Xabiren eta Ioritzen errekor pertsonalak 600 metrotan eta bereziki Xabirena, errekor pertsonala egiteaz gain Haurtzaro atletismo taldeko errekorra egin baitzuen.  Baita Alazneren partaidetza 60 metrotan, bikaina beti bezela.
Horrez gain, aipamen berezia: Julen Perez haurtzaroko atleta ohiak Atletiko San Sebastianeko errekor jubenila egin zuen. Zorionak txapeldun! Nabari da herritik ondo ikasia atera dela!
Hauek izan ziren emaitzak:

60m:

Xabi Belaunzaran      7"60

Ioritz Labandibar      8"09

Oier De Santiago        8"54

Alazne Garrido           8"49

Joan Nieva                  8"98

Katixa Oiartzabal       9"43

 Julen Perez                  7"12

600m:

Xabi Belaunzaran          1'24"79

 Ioritz Labandibar           1'35"46

 ZORIONAK EKIPO!!

Bestalde igande goizean, urteroko legez, Oiartzunen Elkartasun Lasterketa izan genuen. 200 korrikalari baino gehiago aritu ziren ttipi ttapa Oiartzungo kaleetan zehar lasterka, 6'6 kilometrotako eta maldaz josiriko ibilbidea osatuz.

Horien artean zebilen taldeko Aritz Leonet, zeinek meritu handiko 10. postua eskuratu zuen, ibilbidea 23 minutu eta 56 segunduko denboran burutuz. ZORIONAK TXAPELDUN! 

Sailkapen osoa ikusteko Oiartzungo Elkartasun Lasterketaren blogean:

   https://issuu.com/elkartasunlasterketa/docs/sailkapena2016

Estalitako Pistaren lehen jardunaldia

Zaharrenak Donostiako belodromoan estreinatu dira ostegun honetan. Bai federatuek eta baita eskolarrak biek eduki zuten lekua Estalitako Pistaren lehen jardunaldian. 

Aipatzekoak izan ziren Hiart Ibargurenen eta Aritz Leoneten marka pertsonalak  1000 metrotan eta Xabi Belaunzaranen itzulera estalitako atletismo pistara. Horrez gain, Amaiur, Hiart eta Orkatzek (eskolarrak) Gipuzkoako Atletismo Federazioaren 100 urteurrena ospatzeko txapelketa berezian parte hartu zuten. Ohikoa den bezala Amaiur lehenik eta Hiart bigarren geratu ziren.  A ze bi makina! Benetan Zorionak denei!

Aritz Leonet (PLP - 1000m 2:48.24)

Ane Etxebeste (PLP - 1000m 3:15.83)

Orkatz Erkizia (PLP - 60m 8.61)
Amaiur Errazkin (PLP - 1000m 3:14.06)

Hiart Ibarguren (PLP - 1000m 3:14.43)

Xabi Belaunzaran (PLP - 800m 2:06.10)
Ioritz Labandibar (PLP - 2:12.89)


Emaitzak ikusteko klikatu HEMEN.
Argazkiak ikusteko klikatu HEMEN.

Bideoak ikusteko klikatu HEMEN.

4. PLP ESKOLARRA

Plaiaundin burutu zen benjamin, alebin eta infantil mailako 4. PLP ESKOLARRA. Haurtzaroko atleta guztiek egindako esfortzua eta lan bikaina goraipatu behar ditugu. Hauek izan ziren emaitzak:

Emaitzak ikusteko klikatu HEMEN

Argazkiak ikusteko klikatu HEMEN

TXINGUDIKO KROSA

9:30etan geratu gara denak elkarrekin joateko Ikastolako aparkalekuan. Bakoitzak bere kontura joan nahi badu 45 minutu lehenago azaldu beroketak egiteko.

BENJAMIN, ALEBIN ETA INFANTILEN PLP-A:

Igandean, klubeko gaztetxoenak Plaiaundira joan ziren denboraldiko lehenengo PLP-ra. Eguraldiak ez zuen lagundu baina oso gustura ibili ziren.

Emaitza guztiak ikusteko klikatu HEMEN.
Argazkiak ikusteko klikatu HEMEN.

Astebukaera earra!

Urriaren 15ean arratsaldeko 17:30ean, Urkabeko I. Igoera ospatuko zen Intxixu Trail-Girizia Mendi Lasterketa Taldeak antolatuta, Oiartzungo Garagardo Festarekin kointziditzen zuelarik. Parte hartzaileek 1,6km-ko errekorridoa egin zuten eta Learretik barrena 191m-ko desnibela igo zuten Urkabe goraino. Aipatzekoa da gure taldeko Aritz Leonet bigarren iritsi zela eta Oiartzungo lehenengoa izan zela. Izan ere, kilometro bertikaletan oso aritua den Beñat Katarainek soilik 16 segundo atera zizkon. Benetan Bikaina, Zorionak Aritz!

Emaitzak ikusteko klikatu HEMEN

Argazkiak ikusteko klikatu HEMEN

Igandean, urtero bezala, Haurtzaro Atletismo Taldea laguntzen aritu zen! Hau da, proba desberdinetan parte hartzeaz gain, 15km Donostiko klasikan laguntzen ibili ginen. Argazkia Oiartzuar Eskuderorekin hartu genuen, izan ere, 15km-ko 50 urtetik gorako gizonetan bigarren iritsi zen. Zorionak zuri ere!

TEMPORADA BERRIA

Kaixo Gaztik!

Udara luze bat eta gero, berriz gara bueltan. Betiko moduan Haurtzaro Ikastolan entrenatuko dugu. Baina ADI urriaren 10etik aurrera bi ordutegi ezberdin edukiko ditugu eta bat 18:00-19:00-etara eta bestea 19:00-20:00-etara.

Besterik gabe, ondo segi 

Ane Etxebeste, 9. Granollersen

Ane Etxebestek harrituta utzi gaitu berriro ere. Granollersen (Herrialde Katalanak) izan du Espainiako Txapelketa, eta bertara 14. denbora onenarekin joan bada ere, 9. postua lortu du azkenean. Hasieratik buruarekin korri eginez, taldean joan da azken itzuliko kanpaia entzun duen arte. 16. postuan pasa da bertatik, 9. postutik oso urruti, baina bere kasta eta indarra erakutsiz atletak aurreratzen joan da 9. postu hori (bere adineko 5.) lortu arte. 

Eta hori gutxi balitz, kadete mailako 1.500 metro oztopoetako GIPUZKOAKO ERREKORRA egin du gainera, bere kadete mailako lehenengo urtean. 

Bukatzeko, ospakizun momentu honetan, ezin ditugu aipatu gabe utzi azkeneko hilabetean Aneri laguntzeko (beraiek denboraldia bukatua zuten) entrenatzen jarraitu duten Hiart eta Amaiur. Lasterketa bikainaren eta Gipuzkoako errekorraren zatitxo bat beraiena da, zalantzarik gabe. Laguntasunak eta talde-lanak fruituak ematen dituela erakutsi du berriz ere hirukote honek!

Emaitzak ikusteko klikatu HEMEN.

Eta hemen duzue lasterketa. Ikusi. ikusi azken itzulia! 

Zorionak Ane!

Hau da hau denboraldia bukatzeko modu bikaina!!

Asteburua Matarón eta Gasteizen

JUBENIL MAILAKO ESPAINIAKO TXAPELKETA, MATARÓN:

Nerea, Alazne eta Julen izan dira Matarón asteburuan, eta maila altua erakutsi dute bertan. Hirukote hau dagoeneko ohituta dago horrelako txapelketatan parte hartzen (eta oso zaila da lortzea), baina oraindik ez dute hobetzen jarraitzeko ilusioa galdu!

Nerea: Altueran 1,60 m. (6.)
Alazne: 400 metrotan 1'01"48 (17.)
Julen: 200 metrotan, kanporaketan 22"64 eta finalerdian 22"67 (9.)

Zorionak makinas!!

Emaitza guztiak HEMEN. 

KADETE MAILAKO EUSKADIKO TXAPELKETA, GASTEIZEN:

Ane Etxebestek atzo izan zuen beste txapelketa bat, Gasteizen, oraingoan kadete mailako Euskadiko txapelketa. Bizkaitar batek bere denbora antzekoa bazuen ere, nahiko erraz irabazi zuen 1000 metroko finala, hasieran buruarekin eta bukaeran erritmoa igo eta bere maila erakutsiz: 3'13"02.

Zorionak berriz ere Ane!

Emaitzak ikusteko klikatu HEMEN.

Ane Asensioren eta Ane Etxebesteren debuta

Berandu bada ere, hemen dituzuen lehengo asteburuko Ane Asensio eta Ane Etxebesteren emaitzak. Biek zuten lehenengo aldia: batek atletismo egokituko Espainiako Txapelketa batean eta besteak ere Espainiako Txapelketa batean, kasu honetan 1500 m. oztopotako proban. 

Ane Asensio:

Bere adineko bakarra izanik, ez zuen aurkaririk izan bere finalean. Gonbidapen baten bidez parte hartzen utzi zioten, baina bakarrik parte hartuta ere bere maila erakutsi zien Madrilen elkartu ziren guztiei. 40"64 izan zen bere denbora, marka onenetik oso gertu. Bere adineko Espainiako txapelduna beraz. Denboraldi bikainari bukaera ederra eman dio Anek. ZORIONAK MAKINA!!

Argazkiak ikusteko klikatu HEMEN. 

Ane Etxebeste:

Euskadiko selekzioarekin parte hartzeko aukeratua izan zenez (euskadiko markarik onena duelako), Cartagenan burutu zen Espainiako Txapelketan parte hartu zuen. 17 selkziotatik 9. postua lortu zuen Anek, ia ia bere markarik onena berdinduz. Eta denbora horrek balio handiagoa du nola lortu zuen jakin ondoren: azkeneko itzuliko putzuan erori egin zen. Baina Ane ez zen lurrean gelditu. Bere kasta eta grina erakutsiz segituan altxa, uretatik atera eta ondoan zuen neskarekin lehian jarraitu zuen bukaerara arte. ZORIONAK!!

Emaitzak ikusteko klikatu HEMEN. 

Begira, begira gure neskaren kasta!