ATECE lasterketa eta EUSKADIKO txapelketa

2013-2014 denboraldia bukatzear dagoen honetan, gure atletak sariak lortzen jarraitzen dute oraindik. Azkenak Alazne Garrido eta Nerea Oyarzabal izan dira, bi leku desberdinetan.

ATECE lasterketa solidarioa: Unax Jimenez eta Nagore Etura benjaminek (Unaxek bere mailako 400 metroko proba irabazi zuen), Amaiur Errazkin eta Ane Etebeste alebinek (lehenengo eta bigarren bere mailako 800 metroko proban) eta Xabi Belaunzaran jubenilak (laugarren postua lortu zuen 1.000 metroko proban, bere marka onena lortuz, 2'51''48) ere parte hartu zuten bertan. Baina Alazne aipatu dugu hasieratik, 1.000 metroko helduen lasterketa irabaztea lortu zuelako, izugarrizko denbora lortuz: 3'18''47, lasterketa bikaina egin ondoren. ZORIONAK DENEI!

EUSKADIKO kadete mailako txapelketa: Gasteizen jokatutako txapelketa honetan bigarren postua lortu zuen Nerea Oyarzabal gazteak altuera jauzian. Berriz ere bere marka onenera hurbildu eta 1,49 metroko jauzia egin ondoren, beste domina bat jaztea lortu zuen: zilarrezkoa. Zorionak berriz ere Nerea, a ze denboraldia!

1.000 metroko proben emaitzak HEMEN. 
Euskadiko Txapelketako emaitzak HEMEN. 

Iritsi da 30. urteurreneko festa!

Ekainaren 21a iritsi da eta dagoeneko dena prest daukagu. Oraindik zure txartela eskuratu ez baduzu, guregana hurbildu, haurtzaroatletismotaldea@gmail.com helbidera idatzi, facebooketik eskatu edo deitu 665726862 zenbakira. 

Ez ahaztu goizean zehar haur, 11:00tan hasita, gaztetxo, guraso eta helduentzat probak egongo direla eta ikastolan bertan dutxatzeko aukera egongo dela. 13:30tan ekitaldi txiki eta xume bat ere egongo da eta, jarraian, 14:00etan bazkaria hasiko da.

30 urte hauetan modu batera edo bestera HAURTZARO ATLETISMO TALDEko kide izan bazara...

ZORIONAK!!

Nerea Oyarzabalek 1,50 m Durangon

Nerea Oyarzabalek 1,50 metroko jauzia egitea lortu zuen, asteburuan Durangon burutu zen PLP proban. Berriz ere bere marka onenetan ibili zen Nerea, denboraldi bukaeran indartsu dagoela erakutsiz. 

ZORIONAK NEREA!

Julen Perez, hamargarren selekziokako Espainiako txapelketan

Duela egun batzuk aurreratu genuen bezela, Valladoliden izan da Julen Perez asteburu honetan. Larunbateko finalerdian 13. postua lortu zuen, 300 metroak 40''07ko denboran egin ondoren. Baina postu horrekin gustura gelditu ez eta finalean bere onena ateratzea lortu zuen, 39'23ko denborarekin hamargarren postua lortuz. Euskal Selekzioak, guztira, zazpigarren postuan bukatu zuen asteburua. 

ZORIONAK JULEN TA JARRAITU HORRELA!

Emaitza guztiak hemen. 

Nerea Oyarzabal Gipuzkoako hirugarren, absolutuan

Beste domina bat jantzi zuen igandean Nerea Oyarzabalek, eta kontua galdu dugu dagoeneko. A ze denboraldia egiten ari dena! Oraingoa, gainera, Gipuzkoako txapelketa absolutuan jantzia du, ez bere adinekoan. 1,46 metroko altuera lehenengoan pasa ondoren, ezin izan zuen 1,49 metrokoarekin. 

ZORIONAK NEREA! 

Emaitzak hemen. 

Julen Perez, Espainiako txapelketan

Julen Perez Haurtzaro Atletismo Taldeko oiartzuar gazteak Valladoliden pasako du asteburua, Euskadiko selekzioarekin kadete mailako Espainiako txapelketan parte hartzeko sailkatu ondoren. 300 metroko proban izango da Julen euskaldunon ordezkaria. Gure indar eta animo guztiak bidaltzen dizkiogu Oiartzundik.

AUPA JULEN!

Julen eta Xabi, Euskadiko Txapelketan

Postu polita lortu zuen atzo Xabi Belaunzaran oiartzuar gazteak Donostian jokatutako jubenil mailako Euskadiko Txapelketan. Bosgarren postuan sailkatzea lortu zuen, 54"11ko denborarekin. Aupa Xabi!

Eta Elizalde eskolako Julen Perez kadetea ere ez zen kikildu bere lehenengo Euskadiko Txapelketan. Gasteizen jokatu zen kadete mailako txapelketan bi probatan hartu zuen parte oiartzuarrak, eta baita bi domina lortu ere. Hirugarren postua lortu zuen 150 metroko proban (18"56) eta bigarren postua  erreleboetan, Gipuzkoako selekzioarekin. Zorionak Julen!

Jubenil mailako emaitzak HEMEN.

Kadete mailako emaitzak HEMEN. 

Haurtzaro Atletismo Taldea OIARTZUN IRRATIAN

Oiartzun irratian izan gara aste honetan, aurtengo denboraldiaz eta taldearen 30. urteurrenaz hitz egiten. Ane, Amaiur, Josu, Garazi eta Itsaso izan dira taldearen ordezkariak, denak gelatxo horretan sartzea zaila izango zen eta!

Elkarrizketa entzuteko klikatu HEMEN.

Asteburuko emaitzak

Oso emaitza onak lortu zituzten atzo proba konbinatuetako Gipuzkoako txapelketan parte hartu zutenek. Paulo Gargallok, Gipuzkoako rankinean lehenengo postuan egon arren, ezin izan zuen parte hartu belauneko lesio batengatik. Baina Oier, Alazne, Mattin eta Josu primeran aritu ziren, puntu asko lortuz. 

ALEBIN MUTILAK:
Oier de Santiago, Gipuzkoako seigarren.

INFANTIL NESKAK:
Alazne Garrido, Gipuzkoako zortzigarren.

INFANTIL MUTILAK:
Mattin Apaolaza, Gipuzkoako zazpigarren.
Josu Ibarguren, Gipuzkoako hamaikagarren.


Emaitza guztiak eta sailkapenak ikusteko, klikatu hemen.

Proba konbinatuen Gipuzkoako Txapelketa

Beste Gipuzkoako txapelketa batean egongo da Haurtzaro Atletismo Taldea asteburu honetan, oraingoan proba konbinatutakoan, igandean Anoetako mini-estadioan. Bost izan dira alebin eta infantil mailatik sailkatu direnak: OIER DE SANTIAGO, PAULO GARGALLO, ALAZNE GARRIDO, MATTIN APAOLAZA eta JOSU IBARGUREN. 

Goizeko 9:00tan gelditu gara Ikastolako aparkalekuan, 9:20tako topoa hartu eta bertara joateko. 

Hau izango da igandeko ordutegia:

ORDUA			I MUTIL	I NESKA		A MUTIL	A NESKA
	10:30	60 MH				LUZERA	PISUA (2 kg.)
	10:45				60 MH
	11:00	60 M				PISUA (3 kg.)	LUZERA
	11:15				60 M
	11:30	LUZERA			PISUA (3 kg.)	60 M	60 M
	12:00	PISUA (3 kg.)			LUZERA

ANIMO BOSKOTE!