Urtea kirola eginez bukatzeko, aurten 2 aukera

2017ko azken eguna ate joka dugu eta aurten ere urtea korrika eginez bukatzeko aukera paregabea dugu. Aurten, gainera, aukera bikoitza:

OIARTZUN (0km lasterketa herrikoia)

Izen-ematea: 9:30-10:15
Haurren lasterketa: 10:30 (10:00tan Xabaleko iturrian elkartuko gara Atletismo Taldekoak)
Gazte eta helduen lasterketa: 11:00

Kategoriak:

LH 2 arte, plazan bertan ibilbide laburra
LH 3 eta 4, plazan bertan ibilbide laburra
LH 5 eta 6, plazan bertan ibilbide laburra
DBH 1 eta 2, plazan bertan ibilbide laburra

DBH 3tik gora, gazte eta helduak, 6,5 km herrian barrena


ORERETA (XV. San Silbestrea)

Izen-ematea: 15:30-16:00
Haurren lasterketa: 16:30 (15:30tan Udaletxe aurrean elkartuko gara Atletismo Taldekoak)
Gazte eta helduen lasterketa: 17:00

Kategoriak:

Benjaminak, LH 3-4, 1000 m.
Alebinak, LH 5-6, 1000 m.
Infantilak, DBH 1-2, 1000 m.

Kadeteak, DBH 3-4, 3500 m.
Junior eta helduak, 3500 m. edo 7000 m., aukeran.

ANIMATU!!

Azken bi frogetako emaitzak

Kaixo ekipo!

Aurtengo frogak abenduaren 10ean amaitu genituen. 

Oso urte ona izan da, entrenamenduetan gogor lan egin dugu, harreman berriak sortu dira eta oso ongi pasa dugu denon artean.

Hurrengo urtean berdin edo hobeto jarraituko dugu!

2017/12/03 FROGEN EMAITZAK

ikusi hemen

2017/12/10 FROGEN EMAITZAK

ikusi hemen

HAURTZARO ATLETISMO TALDEAK 

GABON ZORIONTSUAK OPA DIZKIZUE!

Abenduaren 10ean frogak Hondarribin

Kaixo ekipo!

Dakizuten bezala, asteburu honetan, hilaren 10ean, Hondarribin izango ditugu frogak. Izena emateko, beti bezala, bete ezazue galdeketa mesedez. IZENA EMAN

Ordutegia honako hau izango da. Gogoratu froga hasi baino ordu erdi lehenago egon behar dela pistan. Haurtzaro Atletismo Taldeko kamiseta eta jertsea ekarri baldin baduzue mesedez. 

Gozatu zubiaz!

Abenduaren 3an frogak Plaiaundin

Aupa ekipo!

Abenduko lehen frogak izango ditugu igande honetan, abenduaren 3an, euskararen egunarekin batera. Oraingoan Plaiaundin (Irun) izango dira. Parte hartzeko, beti bezela, izen emate orria bete mesedez larunbata baino lehen.

Frogak eta ordutegiak whatspApp taldean daude, arazoak ditugu blogean jartzeko. Gogoratu, froga baino ordu erdi lehenago egon behar dela pistan, beroketan behar bezala egiteko.

Urriaren 29ko frogen emaitzak

Kaixo ekipo!

Duela igande batzuk Plaiaundin  izan genituen frogak. Benjamin, alebin eta infantilek parte hartu zuten eta emaitza onak lortu zituzten. Eta garrantzitsuena, oso ongi pasa eta asko ikasi genuen!

Emaitzak ikusteko klikatu azpiko estekean.

https://drive.google.com/file/d/18e7JAyL7Dne6dMcZIT2Kp_TtDrw1YaIt/view?usp=sharing

Azaroaren 26an frogak Hondarribin

Aupa ekipo!
Igande honetan, azaroaren 26an, Hondarribiko pistan izango ditugu frogak. Gogoratu, atletak, froga hasi baino ordu erdi lehenago egon behar dutela pistan. Izen emateko aukera ostirala arte zabalduko dugu, arratsaldeko 19.00ak arte.

Frogen ordutegia honako hau da:

Perikori omenaldia

        Atzoko eguna Haurtzaro Atletismo Taldearentzat berezia eta hunkigarria izan, 35 urte luzeetan gure entrenatzailea izan den Perikori azken agurra egin genion.

        Lehen omenaldia Txingudiko krosean izan zen. Bertan, atletismo munduko pertsonak parte hartzeaz gain, gure taldeko entrenatzaile, atleta zein gurasok egin genituen 600 metroak Perikoren omenez. Horrez gain, goiz zoragarria igaro genuen, talde baten moduan elkarrekin hamaiketakoa egin eta gureak animatu genituen. 

Arratsaldean, Perikori merezitako azken agurra eman genion ikastolan. Mila esker hurbildu zinazten guztioi, benetan polita izan zen.

Entrenatzaile bitxia

nahastuz euskara ta erdara,

guregan sortu dituzu

milaka barre algara,

urte hauetan jasoaz

milaka besarkada

zu izan zara Periko

gure bihotzen taupada.

Denok batera eginaz atzeraka begirada,

goxotasunez zurekin

beti oroituko gara,

kirol munduan sartzeko

giltza zu izan baitzara,

jarraituz goaz aurrera

jasoaz zure ziztada.

Irrifar batekin josiz

umorea ta ardura,

atletismoa bihurtu 

duzu askoren ohitura,

jaurtiketak ta jauziak,

fondoa, abiadura...

baina lekuko bat nola

doan eskutik eskura,

orain guk segiko dugu

irrifartsu ta gustura,

zuk nozbait hasi zenuen 

lasterketa eder hura,

haurrak hurbildu hainbeste

maite zenuen mundura,

ta sekula ahaztu gabe

bidea dela helmuga.

 Mila esker urte hauetan emandako guztiagatik Peri!

Gure bihotzean eramango zaitugu!

Perikori omenaldia, igandean 16:00tan Ikastolan

IGANDEAN, AZAROAK 19, ARRATSALDEKO 16:00TAN IKASTOLAKO AURREALDEAN

PERIKORI OMENALDIA

AUTOBUSA

Kaixo ekipo!

Igande hontan, azaroaren 19an Txingudira atleta, entrenatzaile eta guraso asko joatekoak garenez eta han aparkatzeko zailtasunak daudenez, Haurtzaro Atletismo Taldeak autobus zerbitzua jartzea erabaki du. Autobusa ikastolako aparkalekutik goizeko 8:45ean eta Txinguditik 13:00etan aterako da. 

Modu honetan, haur guztien lasterketak ikusteaz gain, Perikoren omenaldian parte hartu dezakegu, 11:55ean izango dena. Denei parte hartzera gonbidatzen zaituztegu, 600 metro besterik ez dira izango eta oinez egin daiteke. 

Bestalde, mahai eta karpa txiki batzuk eramango ditugu gure gauzak uzteko eta hamaiketakoa egiteko. Beraz, nahi duenak hamaiketakoa ekar dezake eta ekartzen diren gauzekin hamaiketako polit bat egin dezakegu denok batera. 

TXINGUDIKO KROSA

Kaixo lagunak!

Igande honetan, azaroaren 19an, Txingudiko krosa ospatuko da Irunen. Alebin zein infantil mailako atletek parte hartzeko aukera izango dute. Horretarako, lehendik izena ematea eta lehenbailehen egitea eskatzen dizuegu. Izan ere, mordoxka biltzen bagara, autobus zerbitzua jarriko dugu, ikastolatik 8:45ean eta Txinguditik 13.00etan aterako dena.
Azpiko irudian ordutegia ikusteko aukera duzue. Bestelako informazioa atletei jakinaraziko diegu.

IZENA EMATEKO

Igande berezia izango da, Perikori merezitako bi omenaldi egingo dizkiogu, lehenengoa Txingudiko krosean, 11:55ean eta bigarrena Haurtzaro ikastolan 16:00etan. 

OMENALDIETAN PARTE HARTZERA GONBIDATZEN ZAITUZTEGU, DENON ARTEAN PERIKORI MEREZITAKO AGURRA EMATEKO

Beti gurekin, beti irrifartsu

Maitasuna, esfortzua, errespetua, talde-lana, umorea... Oiartzunen barrena banatu dituzu 33 urte hauetan, eta hiztegi propioarekin gainera! Pistan eta pistatik kanpo, bizitzan aurrera egiteko mila aholku eman izan dizkiguzu beti. Eta egun hauetan argi ikusi da ereindakoak fruituak eman dituela: ehundaka eta ehundaka haur, gazte eta heldu agurtu eta eskerrak ematen.   

Aurten jaso zenuen sarirako prestatutako bideoan ere antzematen zen hori.

 

Atletismo Taldeko kideok bi bertso hauek idatzi dizkizugu, Peri, nahiz eta inoiz ez dugun zuk emandako guztia bueltatzerik izango.

Entrenatzaile bitxia
nahastuz euskara ta erdara,
guregan sortu dituzu
milaka barre algara.
Urte hauetan jasoaz
makina bat besarkada,
zu izan zara Periko,
gure bihotzen taupada.
Denok batera eginaz
atzeraka begirada,
goxotasunez zurekin
beti oroituko gara,
kirol munduan sartzeko
giltza zu izan baitzara,
jarraituz goaz aurrera
jasoaz zure ziztada.


Irrifar batekin josiz
umorea ta ardura,
atletismoa bihurtu
duzu askoren ohitura,
jaurtiketak ta jauziak,
fondoa, abiadura…
baina lekuko bat nola
doan eskutik eskura,
orain guk segiko dugu
irrifartsu ta gustura,
zuk noizbait hasi zenuen
lasterketa eder hura,
haurrak hurbilduz hainbeste
maite zenuen mundura,
ta sekula ahaztu gabe
bidea dela helmuga.

Eta, bukatzeko, urte hauetako zure argazkiekin bilduma bat egin dugu. Ikusteko, klikatu hemen:

ESKERRIK ASKO, PERI

Eskerrik asko, Peri

Hainbeste urtetan hor egoteagatik,

oiartzuarroi atletismoaren mundua erakusteagatik,

eman diguzun guztiagatik,

zure laguntza, animo, txiste eta irrifar bakoitzagatik,

zaren bezalakoa izateagatik...

ESKERRIK ASKO PERI!!

Lekukoa gogor eta gogoz eutsi dugu, 

lasterketak aurrera jarraitzen du.

Igande honetan, azaroaren 12an,  EZ da frogarik izango.

Hurrengo igandean, hau da, azaroaren 19an, Txingudiko krosa ospatuko da. Heldu den astean informazio gehiago emango dizuegu.

Ongi izan.

AZAROAK 5EKO FROGAK 

BERTAN BEHERA GERATU DIRA!

AZAROAK 5EKO FROGAK

Kaixo ekipo!

Igande honetan ere, azaroaren 5ean, frogak izango ditugu. Oraingoan Hondarribian izango dira,  kiroldegiaren eta futbol zelaiaren ondoan dagoen pistan. Gogoratu, froga hasi baino ordu erdi lehenago pistan egotea beharrezkoa dela. Bestalde, parte hartu ahal izateko, goikaldean azaltzen den "izena ematea" atalean izena eman beharko da ostiraleko 19:00ak baino lehen.

Ordutegia hemen duzue ikusgai: 

17-18 denboraldia, martxan!

  

Dagoeneko hasiak gara 2017-2018 denboraldiarekin, eta laster izango duzue datu eta informazio gehiago. Momentuz, duela 30 urte baino gehiago Perikok hasitako bideak indartsu jarraitzen duela besterik ez dugu esango, inoiz baino haur gehiagorekin eta ilusioz beteta. 

Gora Peri 
eta gora Haurtzaro Atletismo Taldea!

Ane, Hiart eta Amaiur, Euskal Selekzioarekin

Asteburu polita izan da pasa dena. Kadete mailako Espainiako autonomia erkidegoen txapelketa burutu da Lorcan (Murtzia), eta Haurtzaro Atletismo Taldeko hiru kidek parte hartu dute Euskal Selekzioarekin: Ane Etxebeste, Hiart Ibarguren eta Amaiur Errazkin. 

Hauek izan ziren emaitzak:

Amaiur Errazkin

8. postua 600 metrotan, 1'39''38, bere marka onena lortuz. 

9. postua 4x300 erreloboetako proban, selekzioko beste hiru kiderekin. 

Hiart Ibarguren

10. postua 1000 metrotan, 3'16''98.

Ane Etxebeste

9. postua 1500 oztopodun metrotan, 5'31''61.

Oso pozik egoteko moduko emaitzak dira hauek, lasterketa horietan zegoen maila ikusirik. Guztira, nesken Euskal Selekzioak 7. postua lortu zuen Lorcan, 17 selekzioen artean, eta mutilek 9. postua.

Zorionak neskak!!

Emaitza guztiak ikusteko klikatu HEMEN.

Asteburuko argazkiak ikusteko klikatu HEMEN. 

Gipuzkoako txapelketa absolutua eta Hondarrabiko eskolarren probak

Pista estaliko Gipuzkoako txapelketa absolutua

Larunbatean eta igandean jokatu zen, bi jardunalditan, pista estaliko Gipuzkoako txapelketa absolutua. Emaitza bikainak lortu zituzten taldekide guztiak. Bakoitza bere proban, pixkanaka hobetzen eta konfiantza hartzen. Zorionak denoi!

Hauek dira lortutako markak:                                                 

60 m egokitua:

Ane Asensio: 26"12
200 m:
Alazne Garrido: 27"68 (finala: 28”00)
400 m:
Ioritz Labandibar: 56"78
Alazne Garrido: 1'02"47

Xabi Belaunzaran: 51"92

800 m:

Xabi Belaunzaran: 2'05"92
1.500 m:
Aritz Leonet: 4'33"01
Altuera jauzia:

Maider Castaño: 1,36
Nerea Oiartzabal: 1,57 (Gipuzkoako txapelduna) BAT
Emaitza guztiak ikusteko, klikatu HEMEN.
Argazki guztiak ikusteko, klikatu HEMEN.

Hondarrabiko eskolarren probak

Eguraldiari aurre eginez, gustura ibili ziren gure neska-mutilak. A ze taldea!
Oraindik ez dituzte emaitzak interneten jarri, baina adi egon, laster jarriko dituzte eta.

Orain arteko emaitzak eta hemendik aurrerakoak, klikatu HEMEN. 

Lasarteko krosa eta Gipuzkoako pista estaliko txapelketa

Igandean, Lasarteko Nazioarteko Krosa

Igandean, urtero bezala, Lasarteko Nazioarteko Krosera joan ginen. 

Betidanik gustukoa izan dugu kros hau, eta aurten ere hamaiketako eta guzti joan ginen bertara. 

Urdaiazpikoa, tortilla, sagardoa, salda... Gure harmailetako lekua hartu eta primeran pasatu genuen!

Urtero bezala ere gure taldeko helduenak eta gazteenak ere ederki aritu ziren. Zorionak denei!

Gipuzkoako pista estaliko txapelketa 

Aurreko larunbatean jokatu zen Gipuzkoako pista estaliko kadete, jubenil eta junior mailako

txapelketaren lehen zatia eta PLP bat Anoetako belodromoan. Bertan parte hartzen izan genituen 

Katixa eta Xabi Belaunzaran handia. 

Lasarteko krosa:

Infantilak: Amaiur 1. Hiart 3. 

Kadete: Ane 1. 

Junior: Aritz 4. 

Helduak: Asier 8. Xabier 11. Felipe 19. 

Gipuzkoako txapelketa:

Kadete: Katixa 9"40

PLP jardunaldia: 

Xabi Belaunzaran 53"18

Emaitza guztiak ikusteko klikatu HEMEN. (Lasarte) 

Emaitza guztiak ikusteko klikatu HEMEN. (Gipuzkoako txapelketa)
Argazkiak ikusteko klikatu HEMEN.

Urte bukaera BIKAÑA!

   Bukatzen ari dira gabonetako oporrak, urte berria ospa berri dugu eta Haurtzaroko atletak laixter martxan jarriko gara berriz, 2017an ere gogotsu entrenatzeko eta disfrutatzeko irrikitan baigaude.
   Hala ere, esan beharra dago taldekide askok ez dutela atletismoa alde batera utzi, eta zenbait frogatan euren partaidetzaz gozatzeko aukera izan dugula.

   Izan ere, joan den urteko Abenduak 30an, federatuek pista estaliko laugarren jardunaldia izan zuten Anoetako belodromoan. Bertan honako hauek parte hartu zuten: Katixa Oiartzabal eta Naiara Servert (azken honen estreinua izatik belodromoan), 60 metrotako lasterketa eginez; Amaiur Errazkin, Ane Etxebeste eta Hiart Ibarguren 300 metrotako frogan; eta azkenik Xabier Belaunzaran eta Alazne Garrido, 400 metrotan. Dena eman zuten korrikari guztiek!

    Bestalde, aipagarria ere Julen Perez eta Nerea Oiartzabal atleta ohien partaidetza, 400 metro eta alturako frogetan, hurrenez hurren. Biak lortu zuten estatu mailako txapelketan parte hartzeko "minima", eta aurrekoan bezala, Julenek bere talde berriko errekorra hobetu zuen. Zorionak biyei!

   Hauexek izan ziren emaitzak:
     60m:  
        Katixa Oiartzabal:       9.51''
        Naiara Servert:            9.88''
   
     300m:
        Amaiur Errazkin:        44.89''
        Ane Etxebeste:            45.63''
        Hiart Ibarguren:           47.22''

     400m:
        Alazne Garrido:          1'02.45''
        Xabier Belaunzaran:   51.93''
        Julen Perez:                 51.42''

     Altuera jauzia:
       Nerea Oiarzabal:         1.58m

    Bikaña gaztiak!

    Azkenik urtea amaitzeko, 31an hainbat herritan San Silvestre lasterketa ospatu zen ohi den bezala. Haurtzaroko atleta ugarik Errenteriako San Silvestrean parte hartu zuten, eta horietako asko bikain aritu ziren gainera.
     Aritz Leonet taldeko "todoterrenoak" bere kasta erakutsi zuen berriro ere, balio handiko 12. postua eskuratuz 7 kilometrotako lasterketan. Hiart Ibargurenek ere ikusteko modukoa burutu zuen: Bigarren postua 3'5km ko lasterketan, 13 urtetxorekin!
    Gainera, Ane Etxebestek garaipena lortu zuen Kadete mailako lasterketa. A zer etorkizuna duena talde honek!

Aritz Leonet eta, atzean, Xabier Belaunzaran, udaletxe ondotik pasatzen lehenengo itzulian. Bigarren itzulian berdin, baina Xabi pare bat minutu atzerago.

    San Silvestreko emaitzak ikusteko, hurrengo orrialdeetan:
http://www.atleticorenteria.com/archivos/clasificaciones/1483349205.pdf   (7km)
http://www.atleticorenteria.com/archivos/clasificaciones/1483349240.pdf   (3'5km)
    Eta argazki gehiago:
https://www.facebook.com/clubatleticorenteria/

    Besterik gabe, zorionak bertan egon zinaten guzioi; eta baita eskerrak eman urte osoan zehar gure familia hontako parte izan zareten guzioi. Urte berri on! Aurten e egurra mangougu!