2. jardunaldia, Hondarribin

Igande honetan, azaroak 1, jokatuko da aurtengo 2. jardunaldia, Hondarribiko pistan (kiroldegia eta portuaren inguruan). Bertara joateko 9:15tan gelditu gara Ikastolako aparkalekuan.

Hauxe da igandeko ordutegia:

ORDUA	BENJAMINAK	ALEBINAK	INFANTILAK
10,15	---	Altuera (Neskak)	Pisua (N eta M)
10,45	---	60 (Mutilak)	---
11,00	---	Altuera (Mutilak)	---
11,00		60 (Neskak)	---
11,15	50 Heziak(N eta M)	---	Hirukoitza (N eta M)
11,40	250 (N eta M)	---	---
12,00	---	500 (N eta M)	---
12,15	---	---	500 (N eta M)

OHARRA: benjaminak normalean baino beranduago hasiko dira. Baten bat zuzenean Hondarribira joango bada (beranduenez 10:30), aurretik entrenatzaile bati abixatu, guk goizean goiz izen ematea konfirmatu behar dugu eta.

Lehenengo jardunaldia, giro ederrean!

Atzo jokatu zen, Plaiaundiko pistan, aurtengo denboraldiko lehenengo jardunaldia. Inoiz baino haur gehiago Haurtzaro Atletismo Taldetik, eta inoiz baino haur gehiago guztira, Gipuzkoako hainbat herritatik hurbildutako taldetakoak. Giro bikaina eta maila izugarria. 

Laster eskuratuko ditugu emaitzak. 

Zorionak denei!!

Denboraldiko lehenengo proba, igandean

Asteburu honetan izango dugu 2015-2016 denboraldiko lehenengo proba. Entrenatzeko denbora gutxi izan dugun arren, seguru primeran pasatzen dugula Plaiaundiko pistan!

Bertara joateko, igandean goizeko 9:15ean gelditu gara ikastolako aparkalekuan. 

Proben ordutegia hauxe izango da:

ORDUA	BENJAMINAK	ALEBINAK	INFANTILAK
10,15	---	Luzera (N eta M)	Txabalina (N eta M)
10,30	50 (N eta M)	---	---
11,00	Pilota (N eta M)	---	80 (N eta M)
11,30	---	60 (N eta M)	Luzera (N eta M)
12,00	---	1000 (N eta M)	---
12,15	---	---	1000 (N eta M)

Aupa ekipo!!

2015-2016 denboraldia hastera doa!

Taldekide "veteranoenak" irailaren 21etik entrenatzen badabiltza ere, URRIAREN 1ean (osteguna) hasiko da 2015-2016 denboraldia Haurtzaro Atletismo Taldeko atleta guztientzat.

Beti bezala, 19:00tan Haurtzaro Ikastolako sarrera nagusian elkartuko gara entrenatzera joateko. 

Nerea Oyarzabal, Espainiako Txapelketan seigarren

Ciudad Realen jokatu da jubenil mailako Espainiako Txapelketa, izugarrizko beroarekin. Eta bertan parte hartu du Nerea Oyarzabal Haurtzaro Atletismo Taldeko atleta gazteak. Arratsaldeko 17:45tan hasi da Nerearen proba, 40 gradotik gorako tenperaturarekin, eta 1,55 metroko jauzia egitea lortu du, bere bigarren markarik onena berdinduz. 

Lehenengo urtekoa izan arren, SEIGARREN POSTUA lortu du. Bere adineko hirugarrena. Benetan txalotzekoa izan da Nerearen aurtengo denboraldia, Gipuzkoa eta Euskadiko txapelketetan garaipena lortu ondoren. Eta esan beharra dago ongi merezitakoa izan dela, lan asko egin baitu lortu duena lortzeko. 

Zorionak Nereari, eta oraingoan baita Bidasoa Atletiko Taldeko Josemi entrenatzaileari ere, astero astero Nerearekin altuera jauzia lantzen aritu baita azken bi urte hauetan. Eskerrik asko Josemi!!

Pasa den asteburua, Tolosan eta Alcobendasen

Gipuzkoako Txapelketa:

Tolosan jokatu zen kadete, jubenil eta junior mailako Gipuzkoako Txapelketa. Eta bertan parte hartu zuten gure taldeko lau atletak: Alazne Garrido, Maider Castaño, Xabi Belaunzaran eta Nerea Oiartzabal. 

Nerea Oiartzabal: 1. postua altuera jauzian eta Espainiako Txapelketarako minima (1,58m).
Alazne Garrido: 1. postua 600 metrotan (1'42"58) eta 1. postua 300 metroran (43"72).
Maider Castaño: 2. postua altuera jauzian (1,30m).
Xabi Belaunzaran: 3. postua 400 metrotan (52"45) eta 4. postua 200 metrotan (23"86).

Bost domina eta minima bat, asteburu ikusgarri batean. Zorionak!!

Argazkiak HEMEN eta emaitzak HEMEN. 


Kadete mailako Euskadiko Selekzioa:

Julen Perezek, ordea, Alcobendasen pasa zuen asteburua Euskadiko Selekzioarekin. Eta bertan bi probatan hartu zuen parte: 300 metrokoan eta 4x300 errelebotan.

5. postua lortu zuen 300 metroko proban (36"94) eta 8. postua erreleboetan, selekzioko beste hiru lagunekin batera. Asteburu berezia beraz Julenentzat, eta uzatailaren 11an izango duen Espainiako Txapelketarako entrenamendu bikaina. Aupa Julen!! 

Emaitzak HEMEN. 

...eta denboraldia amaitzeko, ekipoko afaria!

60 lagunetik gora bildu ginen ekainaren 12an Girizia Elkartean. Federatuek oraindik ere konpetitzen jarraituko badute ere, atleta eta senideekin ospatu nahi izan genuen denboraldiaren amaiera. Elkarlanean egindako pintxoekin hasiera eman eta argazki eta bideo batzuen proiekzioarekin amaitu genuen afaria. Politta izan zen, hurrengo urteetan errepikatzeko modukoa.

Eta Perikok esango lukeen bezala, "Bilbainada" bat ere egin genuen: aurtengo denboraldian zehar lortutako sari guztiak bildu eta konpartitu genituen, banakakoak izan arren talde osoa delako lorpen horien parte. 

Eskerrik asko denei eta zorionak HAURTZARO ATLETISMO TALDEA!!

Argazki guztiak ikusteko, klikatu hemen.

Denboraldi bukaerako afaria

Kaixo lagunak!

Astelehenean haur eta gaztetxoekin merendola egin ondoren, ez ahaztu aurten HAURTZARO ATLETISMO TALDEKO denboraldi bukaerako afaria egingo dugula, haur, gaztetxo, guraso eta entrenatzaile guztiok elkarrekin.

EGUNA eta ORDUA: ekainak 12, ostirala, 20:00tan.

LEKUA: Girizia Elkartea.

MENUA:

Haurrak 5€:

Makarroiak, pizza eta izozkia.

Helduak 10€:

Zizka-mizka degustazioa, entsalada, saiheskia, postrea eta kafea. 

Animatu!!

Denboraldi bukaerako merendola

Benjamin, alebin, infantil, kadete, jubenil, junior... Ez ahaztu bihar denak gonbidatuta zaudetela denboraldi bukaerako merendolara! (Aldatzeko kamixeta eramatea komeni da...)

Ordua: 18:00tan Ikastolan!

Eta ahal baduzue, ostiraleko afarian zenbat izango zareten (atleta eta guraso) merendolan adierazi. 

Nerea eta Xabi, Euskadiko podiumean

Durangon jokatu zen atzo jubenil eta junior mailako Euskadiko Txapelketa. Eta denboraldia bukatzen ari den arren, inoiz baino indartsuago daude gure gazteak! Bi dominarekin bueltatu zire etxera Nerea eta Xabi.

Nereak altuera jauziko proba irabazi zuen jubenil mailan, bere marka onena lortuz: 1,55m. Euskadiko txapeldun! Zorionak Nerea!!

Eta Xabik hirugarren postua lortu zuen junior mailako 400 metroko proban, honek ere bere markarik onena lortuz: 51'74". Zorionak makina!

Emaitzak ikusteko klikatu HEMEN.